Testo Algerie vs egypte Lotfi Double Kanon

Algerie vs egypte

La7kéya ay tjik b histoir chwiya trajique
3la match 3ajib bin l’
Algérie w l’Egypte
Chkoun li ra7 yjib el tal3a 7atta la coupe
Ennes el kol hayjiin ma b9atech la3ba ta foot
Bdawha des fouu bel sebban fi journale
3ad li wala j3ar nhar ghir ycha3el hna fi nar
Hadi c’est normal kayna 3bad darou tbezniss
Ama 7néya ngoulou keyn au moin l’esprit sportif
Bassa7 ya latif ki ljazayri w sol el masser
3tawah bel dharb ken bel mbous ken bel mkasser
Daroulou un Bauska fil auto route ta3 el matar
Bel les blocks bel 7jar bel soukhour w bel les barres
L’équipe national ey bel dem yejri fi rass
Mziya les caméras kenou 7adhrin el them sur place
El 3alem kamel chaf el dolm li ga3ed yassra
Ma keyen la chorrta ma keyen la amn ydir el 3essa
Fhemna el 3afssa, w7ayed 7abou el sabotages
Fi trig fi l’hôtel fil les vestiaire 7atta fi stade
Rabbi sattar khatrak ken hadak el score
Koun ma kanech hadak el score allahou a3lem wach 7atkoun
Malgré hada el kol les supporteurs te3na 3anaw goddem 80 alf dayrin bihom 7a yet7amaw
El chorta det’hom lel a7ya’a el cha3biya w galet lennes ay 7afilat jazariya
Af3el ejramiya , af3el jamais chefnehom
E7néya ekhwa ki jaw lebladna dhayefnahom
Chkoun li fahem chkoun li yfesser hadi el a3maal
Bassa7 ma3lich maw3edna ba3d 4 ayyam
Khatrak el cha3b te3na tgess ken m3awel
El moral hawed bassa7 la rage bdet tet’hawwel
7ab y7awel hadi el hazima el intissar
Ken msammem w b3eth jouyouch kbar ta3 ansaar
Méla el-cha3b lel matar el-cha3b kol m3a el 9adiya
W charji el tayyarat el madaniya wel 7arbiya
Moudahart cha3biya fi kol el wilayat
Fi kol bled 5arjou la3bed bel 3lamat
Eddenya 5adra w bayda w ennes el kolha naydha
Gloub’ha faydha 3aytou kol fi nafs el 3ayta
Rahi khayda bech yrou7ou lel soudaine
Ejaych el cha3b m3ak ya sa3dane
W ro7na lel soudaine bel mi’at wel alaf
M3a dakhla déjà ki chafou el ghachi menna ykhaaf
7ot moukhayamt harreb harreb ay khlat
Li kanou y7elou effamhom kil kherfane tkhabbet
Fil Lyoum hadak el ghachi kol ra7ou 3al sba7
Mou7al yessbrou fet7ou biban mta3 stade
W traf3et el aswat 10 swaya3 9bal ma tebda
El khadhra wel baydha fil mal3eb rahi mgelba
Zaffer el 7akam w yenda el match
7ali kima hadi fi tarikh sur ma sratech
Chofna ella3bin mta3 masser merta7in
W te3na msaken mel darb mazelou majrou7in
El mouhem kif demmaret el fari9 fi zouj la3bou
Fi zouj ta3bou fi zouj na3tou w tra3dou
W 7naya m3a saîfi cha3ra grib markina
W houma b abou trika grib ken markaw 3liiina
Hadik ellila 3aggebnaha 7akmin gloubna
Makonnach 3arfin 7atekmel 7atkmel 7ozn walla roubla
Tjina brouda kol maygarbou houma lel chebka
Mziya el chaouchi aw yozdom wa7dou yejbed’ha
7attan ywajjed’ha fi centre, 7assan l meghni
meghni dawwer ahou ypassi el karim zian, karim zianii yerméha el 3anter yahia
ye7kemha 3anter yahia w ysayeb darba ka3la
wel thema ta7la
Goal Goal mta3 sport, but raw akhlah
Yrou7 oddomar wel hem wel ghech kelech Goal
W t5och el ballon fi chebka f’dar el chitan
wel cha3b kollou tar tgoul sralna infijaar
Cha3lou el fumigènes adouk el 9anabel lta3 les charres
Adak el nhar jamais jrat eddenya lahhbet
Ennes fi trig ay habtet nossha kolha hablet
Bassa7 3andek ay mazal la 2éme miton
Echikh sa3dan lazem yakhdem défense en butant
Mech lazem badment el fari9 yzid yetkella7
Nless9ou el difa3 bel issmant el mousalla7
Mech lazem ymarkiw kif marra lo5ra
El fou neb9aw samdin 7attan tfad ed9i9a lekhra
Fil wa9t el daya3 balak la ymarkiw el but
Aw fad el temps perdu sufflit sufflit ya l’arbitre
W ysafer el 7akam w tjina la déréférence
Trou7 le souffrance tgoul cha3louna bil essence
Tgoul el jazairi sa7 kharej wech ken fi gelbou
Lehmoum w les problèmes wel machakel li kol tlemmou
Ennes kharjou yejriw el kol fi noss el trig
Darou des cortèges w el défilé ken toul el lil
El kol far7anin haday zmen ta3 hbel
Ghir la3lam foug la3lam ghir ennejma wel hlel
Bassa7 fi masser biensur kenou fi di9a
Awel enti9adet’hom 3attachkila ta3 el fari9a
W mba3d 3atbou el 7oukouma el massriya
Li ma 3awnetech ansarhom kima el solta el jazairiya
Bassa7 el youm w ghodwa ay tbeddlet el 3a9liya
Ki da5let fil la3ba ayadi israeliya
B 9anat fada’iya w 9issas khayaliya
W tahmou el jazayer bel khiyana el akhawiya
W t’hajmou el 9ouwa 3al 7ou9ou wel 7ouroumat
W chetmou el chouhada wel melyoun w nos li mat
Souwar fi internet w jabou chouhoud 3iyén
W fakhmou w dakhmou khourafat w di3ayat
El hadaf menha houwa tafjir hadi el omma
B gharss el 7 e9ed wel boghd fina b demma
Nahek el a3rad wala 9at3 el 3ala9t
Hada machrou3 yahoudi 3al lissan el a3rab
E5sara a3da’a bezzaf ta7ou fil fakh
El rassoul wassana entéya akh wénéya akh
W fi akher el mataf tfarra9na fi wa9t 9iyessi
W derna dabab assel té3ou ghoubar siyéssi
Ya nass hada kol sinario 3al jal masla7
Dayrin swala7 beh machrou3 yeb9a sala7
Lazem netsafa7 khatrak el 7al aw fi yeddina
W chey li yfidna houwa el 9adha’a 3la hadi el fetna
Khatrak la suite na3rfoha rahi kheyba
Tetkhalet el oumour w da3wa twali khayda
Da7aya té3ha houwa 3bed abriya
Wel mostafid siyésiyin w athriya’a