Testo I do piovani Gualtiero Bertelli

I do piovani

Don Odino e don Floriano
al tramonto e del scondon
van tenendose per mano
l’indoman de l'elezion.
I camina a colo basso
con el core che ghe duole
i g'ha in pansa un gran tremasso
a pensar quel che sarà.
“Maria vergine - ghe fa
don Odino e don Floriano -
se prepara per noialtri
un grandissimo malano.
Adio cese, adio perpetue,
adio nonsoli e conventi,
adio decime e limosine.
adio santa religion.
No i capisse ‘sti siori,
che ogigiorno ne tradisse,
che se la cesa la finisse
la xe finia anca par lori.
Adio cese, adio perpetue,
adio nonsoli e conventi,
adio decime e limosine,
adio santa religion".
“Non pol essere - ghe fa -
don Floriano a don Odino
vu zoghè col vostro dano,
ma la cosa prevarrà.
La ghe n’ha passae tante
liberali e framassoni
Dante, i Mille e i Borboni,
Crispi, el fascio e tute quante,
bone o brute che le xe stae,
re, tirani, massiniani,
laici, duci, partigiani
in malora tuti quanti
sol la cesa s'è salvada
la s’ha sempre tegnio su.
E perciò, scoltime Odino,
su la vita e in alto i cuori,
come se passai ‘st'altri
passarà anca 'sti bolori.
Come se passai ‘st’altri
passarà anca ‘sti bolori
passarà anca ‘sti bolori