Testo Speta anca ti co mi Gualtiero Bertelli

Speta anca ti co mi

Speta anca ti co mi che gh’è la mola de piover
no sta aver furia, no stame lassar
no far che vada 'ste ore pressiose
che forse un giorno ti rimpiansarà.
Se buta ciaro in fondo verso Stucky
Nina, voi dir ch'el temporal xe ‘ndà.
Tra poco andemo fora in fondamenta
te dago un baso e vado a lavorar.
I lo ciama imbrogiar,
robarghe el pan ai altri
quei che un lavoro tuti i giorni i lo g’ha già.
quel che xe sempre a posto
co la lege e co la cossienza
che da noialtri no li g’ha niente da imparar.
Quei che no g’ha miseria
che no i g’ha visto fame
che el mondo I sa come che se lo g’ha da ciapar.
No xe un lavoro el nostro
degno de alcun rispeto
ma el so rispeto ormai me lo so’ desmentegà.
Ciapo la barca e vado al Troncheto
bato foresti e sigo In venessian.
Nome e cognome al ghebi, un’altra multa
se zonta un altro conto da pagar.
Xe sempre tuto un conto e no ghe bado,
un bruto apuntamento ‘sta preson,
se se ritrova tuti ogni ano,
i stessi musi, le stesse condizion.