Testo Drei wünsch frei Bap

Drei wünsch frei

Wie off petsch ich mich en der Aerm,
wie off pack ich mir ahn der Kopp,
weil neuerdings jonn Saache aff,
do koehm em Draum ich nit ens drop,
su wie'sch mir letztens en Doos Bier opmaach,
doch russ kuett bloss en Fee,
die saeuselt: "Danke, grosser Meister,
do haess drei Wuensche bei mir frei"
Ich saare: "Herrlich, Frollein,
kann ich wohl en Spur Bedenkzigg hann?"
un da saeht: "Logisch - nur die Ruh'
ich maach et Radio sulang ahn,
Do laeuf jraad Werbung
un dae Sprecher stoehnt, als jing ihm einer aff,
dat Columbusei des Tages
woeoehr dae so'n'so Hoostesaff.
Ne andre Sender - schnell - ejal wat,
doch wie jede Naach oem Zwoelf,
laeuft oevverall dae Chor,
dae jet vun "Einigkeit un Freiziet" groehlt,
"Die Schnulze kenn ich" - saach ich,
"dat ess die Musik zur Jeisterstund",
maach uss un't Fernsehn ahn un brech zesamme:
Zimmermann en bunt.
Dae haellt en Reed, die strotz vueue Logik
(un ich kotz vueuer Sympathie)
et jeht oem Arbeitsplatzerhaltung
en der Ruestungsindustrie.
Dat zo ner Zigg, wo dae Planet he
laengs ahn alle Ecke brent
un alle sechs Sekund e Kind verhungert
irjendwo op der Welt.
Die rueste wigger, als woehr janix,
met dae Wahnsinss Konsequenz,
dat mer Kreechsminister jetz
Verteidijungsminister nennt.
Dat, obwohl wirklich rund dinn duerf:
Die Nohkreechszigg ess lang vorbei,
dat he's die Vueuekreechszigg - un zwar die
vum Weltkreech Nummer drei.
Glaeuv wer tatsaechlich ahn dae Nonsens
's einer wirklich su borniert,
dat die Nummer met deemm Gleichjewicht
em Aehnzfall funktioniert?
Sinn mir dann bloss en Lemmingshaeaed
die mer nohm Abgrund dirigiert?
Et ess unfassbar, wie freiwillig
sich der Minsch selvs ussradiert.
Wo sinn die Schlachte ahn der Marne?
Wo's My Lai, Hiroshima,
die Bombernaeaechte, Hamburg, London
mw's met Beirut, Guernica?
Sinn die Massaker all verdraeng,
vun Kalavrita bess Warschau?
Ich kenn vunn all daemm zwar nur Bilder,
doc die kenn ich janz jenau.
Aja, die Fee vum Ahnfang -stemp,
do woehr vun drei Wuensch jo die Red',
op zwei verzicht ich jaehn,
wenn blooss dae eezte en Erfuellung jeht,
Wa'sch mir jewuensche hann, wollt ihr wesse,
deit mer leid, dat ess jeheim,
weil dae Verfassungsschutz
es mittlerweile och he drinn doheim