NINNA NANNA
(Carlo Grillo)
Duormi duormi bambinello
ca Maria ha de fatigà
t'ha dde fare 'a vesticella
bellu miu pe' ti mutà.
Duormi ninnuzzu miu
duormi alla naca
duve s'addurmentau la 'Mmaculata.
Duormi ninnuzzu miu
duormi allu sinu
duve s'addurmentau nostru bambinu.
Duormi duormi bambinello
ca Maria ha de fatigà
t'ha dde fare i quazittialli
bellu miu pe' ti mutà.
Va' fa' lu suonnu chi fici Sant'anna
fu tantu duci cumu meli e manna.
Duormi, amuri miu, va' ti riposa
liettu de juri, cuscini de rosa.
Duormi duormi bambinellu
ca Maria ha de fatigà
t'ha dde fare 'a suttanella
pe' la notte de Nata'.
