Testo A kè wouvè Misié Sadik

A kè wouvè

Wo oh !
On vèy a nowèl, on syèl ranpli zétwal
A pousé prémyé kri an mwen, an di doktè mèsi yes i !
Mimi grandi vit, pa menm sonjé di manman mèsi
Pou tout lanmou ay, é pou tout jantiyès ay
Papa aktif, papa awtizan, papa awtis
Papa an mizik
Bientot an tékay mandé micro la , é adan antouwaj an mwen ou sav
Tout moun tékay touvé sa logik

An koumansé o lisé, ka fè la musik everyday
Sa poto kaskèt baskèt, sé près tou léjou holyday
Adolésan an plenn konfians, tout ti mizik té débridé
Pa téni pon modèl a suiv, paté ni pon moun pou pé guidé
A la merci du vent, an téka dérivé
Adan ékip an mwen, téni asiatik, téni zyé bridé
Lèw vwè ou jen konsa, ou ka vé pran'y o pli ( déréglé ?)
Hors de kèstion dè chanté lanmou, palé dè réalité
Kont chantè santiman, mwen téka dénigré
An sèl pwomès an fè manman, sé toujou réfizé fimé
Pou mwen té koumansé, an pran bwason alkolizé
An jiré'w an kriyé'y, an brilé'y, an kraché si lélysé
Mè on jou an chanjé lidé, an di mwen konsa an péké rivé
Alo an dépozé mic la, an chiré bac la, stop de music pendan 34 mois

Menm lèspwi, menm konba, menm vizion, menm passion
Mi on touvé on akolit, apré tout biten ay vit
An ba tol la , an studio, mi nou ka pozé dé hit mizik
Nou té malad san'y, macahnd sab la absan
Donk nou ka rété ta lannuit, pou fè dé malad son
On bon ridim an tèm réyèl, é nou a laksion
A ka sonjé nou fè'y souvan, nou touvé sa lasan
Invitasyon asi kompil é si mixtape, moun ka di respect
Nou téka krazé lè sound system, gason
Nou téka fè anpil dézod, sété on big konbinézon
Nou té diféran di lé zot, wé !
Sé mizk ka koulé an vèn an nou, pa tini san ankô
Frwanchman zanmi ou téni rézon, yo pa jen tann nou si lé zond
Déménajman, léjé diféran, enkonpwéansyon, fô mwen kontinyé san'w

Kontrèwman an téni mal, mè sa tout a fè nowmal
Mè fo mwen roté on album, a la demande général
An poto ko savé davans, an tékay pasé o jounal
Invité o 19/30, a lémision régional
An mèt kè an mwen anlè fè'y an mwen
An mèt men an mwen, an pot fè'y an mwen
Album ala réyalité, aromtizé douvan "Sadik" an mèt "Misié"
Welcome pou "Pli lwen ki zyé"
On sè kou, pèp la i té fèt pou'w
An té jis on ti amatè, pou mwen sété le gran baptême
É le 24 avril o swa, révélation SACEM
Radios, voyages, télés
Prestésyon concerts, zot sav an fè fanmi an mwen pléré
An fè plis ki tousa an té èspéré
Dé fwa pli fiè, surtou lè'w vwè ou sé pitit a maléré

A kè Wouvè è
Joie, tristesse, penn é doulè
An tou nouvo konba, pou mwen
Vini èvè mwen pou vwè, pou vwè
A kè wouvè è
Joie tristesse penn é doulè
An tou nouvo konba, pou mwen
Vini èvè mwen pou vwè è