Testo Mi voria saver Gualtiero Bertelli

Mi voria saver

Mi voria saver
perché 'st'aria xe ciara
e 'sta zente sbasia
che speta el siroco;
'sto mar grosso che va
soto un cielo de piombo
e che porta lontan
un sol povaro e stanco.
'Sta zente va, no varda el tempo
ciapa do strasse che impegnisse un burcio
la sbarca più In là, dove l'aria xe scura
ma l'aqua no riva, la se sente sicura.
Sicura de no morir co I ossi bagnai
ma neri de un fumo che no se ferma mai
de un carbon duro e nero come una tomba
ti piansi la to tera, casa nova no basta.
Ti rimpiansi do muri
In sima a un canal
e ti serchi la speranza
de tornarghe doman.
Ma te spaca i polmoni
'st'aria nera de plera
e te par che no riva
mai 'sta primavera.
Anca la piova de geri te par benedeta
ti seri I balconi, ti te salvi da la spussa,
ti cori in terassa a ciamar su I fioi
co parla Marghera tase i disperai.
Ti tasi ogni giorno e ti pensi che mai
ti dovevi lassar el to campo e la to casa.
Morir forse negai no xe la nostra condana,
ma senza respirar, o brusai da 'na fiama.
Po ti conti che in fondo
sento e trenta xe tanto
sento e trenta mila al mese
paga tute le spese.
Viver poco te basta
cassar fora la miseria
se no basta se spera
de poderse salvar.
E ti te senti mal sera tra do foghi
co l'aqua che cresse e col fumo che tira
tornar no se poi, restar no se vive,
crepar xe la sorte che el paron ne destina.
Tornar no se poi, restar no se vive,
crepar xe la sorte ch'el paron ne destina.
Tornar no se poi, restar no se vive