Testo Telemedrano Herman Medrano

Telemedrano

GHE DEMO EL BENVENUTO AI TELESPETATORI
TACHEMO E TRASMISSION CO UN BEL LOGO A COEORI
MANDEMO IN ONDA L’INNO FATO CO L’ORCHESTRA
E VIA NEL’ETERE CO EÀ SOITA MINESTRA
E PRIME TRASMISSION E VA PA E CASAINGHE
E COCOEMO UN FIÀ E GHE FEMO POCHE DEE LUSINGHE
TE SE COME CHE EÀ VA FRA NA PAROEA E CHEALTRA
GHE METEMO DENTRO EÀ PROMOSSION DEA PIGNATA
EÀ GO PENSADA GIUSTA, SENTI SE EÀ TE GUSTA
E TEÈFONA DA CASA PA SCEGLIERE NA BUSTA
GO GIUSTA NA VAETA POCA TESTA E TUTA TETA
CHE EL MARÌO SENTÀ A TOEA EL XE QUEA CHE SE SPETA
TE VEDARÉ SICURO CHE NO EL CANBIARÀ CANAE
ANCA PARCHÉ TACÀ GHE SARÀ EL TÉEGIORNAE
E FINIO CO E CASSADE DO RUBRICHE DA DIVANO
IN ATESA DEL FAMOSO PROGRAMON POMERIDIANO

SI SI SI, SE LO GA FATO EORI, LO POSSO FARE ANCA MI,
“TELEMEDRANO, TELEVISIONE ALL’AVANGUARDIA” TE VEDARÈ, SI SI

RIPRENDEMO, ALTRE TRASMISSION PA E DONE
QUEE CHE NO SE STACA E BEVE TUTO DA COJONE
GO UN CONDUTORE DE NA DEMENSA IMMENSA
CHE NA VOLTA CHE LO VEDE NO SE POE PI STAR SENSA
E GO OSPITI PERFETI, UN FILOSOFO E UN PSICOLOGO
E UN CASO CHE RICHIEDE L’OPINION DE UN CRIMINOLOGO
UN TOSSICO PENTIO CHE XE STA IN COMUNITÀ
UN TRANS CHE TE GHE SPIEGA CHE NO LO GA CIAPÀ
UNO CHE SE GA PINCIÀ A SUOCERA E STA MAE
A VOXE CAMUFÀ E CIAPÀ DE SPAE
NA SUORA VIOENTÀ, CHE APPENA SE INTRAVEDA
NA PORNOSTAR REDENTA, PERÒ CHE EÀ SE VEDA
UN MIRACOEÀ DE PADRE PIO E UNO DEA MADONA
UN CASO DE TUMORE CO A FACIA CHE FUNSIONA
UN RAPIO DAI UFO? NO SO SE ME CONVEGNA
E NO VA PI DE MODA GNANCA EL SEQUESTRÀ IN SARDEGNA
UN REGISTA COL FILM E UN FALITO COL LIBRO
UN CABARETISTA SEMO E UN COMICO DE GRIDO
CANTANTI DE NAPOI PA FARE DEL FOLKLORE
UN ORBO CHE CANTA, MA MINIMO UN TENORE
SIGNORI, EX VEINE EX DE CALCIATORI
MAGHI, OPINIONISTI, E PA FINIRE I PEGIORI
I POITICI NASIONAISTI, I PROGRESSISTI
INDEPENDENTISTI E ANCAI FANTASISTI
E QUASI ME DESMENTEGAVO DE UN REALITY
DE SEMI MENTECATI CO BEISSIMI ABITI
UN CONCORSO CANORO E UN CONCORSO PA E MISS
UN DEFICIENTE DE 80 ANI CHE ANCORA FA QUIZ

VA BEN, FI DESSO NO GAVÌ VISTO GNANCORA GNENTE,
QUESTA XE A NORMAITÀ DEA TÈEVISION,
SECONDO MI EÀ PROGRAMASSION MIGLIORE VIEN DE NOTE

MA EL MEJO VIEN DE NOTE LO SA ANCA I PUTEI
STOP CO E TELEVENDITE DE QUADRI E DE TAPEI
VA IN ONDA EL PROIBITO INTERATIVO A PAGAMENTO
EÀ FEMENA E I TOSATI DORME E RIVA EL SO MOMENTO
GAVEMO TANTE TETE E ROBE PA OGNI GUSTO
CIAPA SU EL TÈEFONO E STRUCA EL TASTO GIUSTO
FEMO SCHEI SICURI, CUSSÌ GIRA EL MONDO
QUESTA XE A SOSTANSA, EL RESTO XE CONTORNO

SIGNORE E SIGNORI, PA METARE IN PIÈ NA TÈEVISION L’UNICO PROBLEMA
XE TROVARE I SCHEI E ANCA TROVARE A XENTE CHE GABIA EL PROJETO JUSTO
GHE NE XE STA UNO CHE GAVEVA UN PROJETO JUSTO, E EL GA MESO IN PIÈ ANCA EÀ TÈEEVISON
A GHE VORIA, CHE NE SO, I SCHEI DEI PRETI, O I SCHEI DEA MASSONERIA,
MA PORCO CAN, GHEI GA XA DA TUTI A UNO SOEO, PORCO CAN
E DESSO MI COME XE CHE FASSO, COME XE CHE FASSO A METARE IN PIÈ TELEMEDRANO