Testo Fuje tanno (fu allora) Co'sang

Fuje tanno (fu allora)

Respirave tt'e ssere 'o stesso addore
'nu misto tra giumente e Fierr'
e nuje fiere 'e nasconnere 'o Core.
Orgoglio che fà 100 all'ora
'e riente gialle 'e dialett'
je' vesteve sportive, maglje rosse e Croce 'mpiett'
'e Sorde hanna ascì afforz', a forza 'e magnà a muorze 'a Vita
'na Bara 'mpiett' 'o primme Tattuagg' che verette, agnostre Nire.
E l'uocchje mje tantill annanze a stì Bicchiere chine
Fravele e Champagne, 'e Fierr' senza muorte 'ncuolle
e vvire, p'e Sorde 'e carta 'nce stà 'o riesto
volene liggiere cchiù 'e n'Omme c'ha perze 'e cchiave 'e ll'Anema appriesse 'e 0.
Quanti corze a pere arete 'o Fummo r'a Musica
giure je' resto overe finchè 'e sorde nun m'abbrucene
e accusene ch'e pparole meje sò finte
appicce 'e Fare cà 'nveco 'o rimane
è luntane 'e 'nu rite 'e 'na mane... Aah
Femmene annure, 'a Vanità 'nfoche
'e Frate faveze fanne pe sè 'e Piacere
Liquore 'nmane 'a sera.

E' meglje niente 'nzieme ch'essere ricche sule
l'uocchje mieze chiuse... Aah... Fuje tanno.
'O Treno cà ce passe n'cap, 'e sorde int'e Poker
fà fridde 'e mmane 'a sera... Aah... Fuje tano.
Perplesse 'e Prufessure, 'a Vita rint'e Studje
Signore aiutece ccà fore... Fuje tanno...!!!
Te scuorde ch'ire ajere, ispirazione è perza
te siente priggioniere... Aah... Fuje tanno.

'E labbre c'abbruciavene comme 'o Curagg' r'e Buciarde
meliune r'euro parchiggiate, 'e Strade arò faje 'o Giallo
poco distante 10 perzune, doje stanze, 'e guagliune
e 'o Carattere eccessivo ch'e ffà vattere.
Scarpe nove, Barbe long' comme è Storie che racconte
rind'o Sfondo 'e Nastre 'e Patrizio
tenghe 20 anne, frase triste... Fuje tanno.
'E statue a Cristo ch'e Sorde r'e ddose
mò addore 'e Rose arò Nello arrepose pe sempe
penzo che serve a coccose comme 'o cunziglje 'e 'nu Pate
segge avutate 'o cuntrarje, Alchool e discorze.
Tra l'Isola 'e Nisida fino 'e Secondigliano
c'o fisico, 'e Libbre 'nmane, 'o libbere ch'e Calibre
Destine scritte o scelta 'e Vita...
'e lluce Blu t'abbitue, fridde te difiende
'nte fide, 'na Melodia accumpagne l'Odio.
L'Edicola fernesce 'e Cronache
stù poste proveche rummore e commuove gli ipocrite
X5, Sale Bingo, ricce "Chi sfaccimme Sì."

E' meglje niente 'nzieme ch'essere ricche sule
l'uocchje mieze chiuse... Aah... Fuje tanno.
'O Treno cà ce passe n'cap, 'e sorde int'e Poker
fà fridde 'e mmane 'a sera... Aah... Fuje tano.
Perplesse 'e Prufessure, 'a Vita rint'e Studje
Signore aiutece ccà fore... Fuje tanno...!!!
Te scuorde ch'ire ajere, ispirazione è perza
te siente priggioniere... Aah... Fuje tanno.

E 'a Musica 'e vote calmava, 'e vvote schizzava
je' annascunneve 'e riflessioni arete 'e casse e arete 'e schiaffe.
Papà guardave a luntane strignenne 'e mmane
cagnaje 'a fila 'e late c'a capa rasata
e l'uocchje suoje lucide, e dinte 'e mje 'a fiducia 'nu limite
criscenne addò stà Rraggia te fà sentì allere.
Mane, manette, carenze r'Affett'
pierde 'nu figlje 'o Marcipiede 'e rimpett'
st'abbraccio nn'è perfette
Fuje tanno c'ho capette.

E ancore cunferenz', sentimente c'o 'nteress'
p'abbitudine, ex malavituse, giuvene nervuse
robbe int'a Cucina e Fucile sotte 'o siggiuline
saglje 'o Palco, 'a Caraccel', 'e Palme
'e ppalle 'nsò 'e chi spare, lente fumè
cù mmè ce l'haje, sì 'nu violento, e te disturbe subbite... Stupide.
Maje lassate 'a questura, Fotografie e 'mpronte
pecchè je' capette forze...
ch'era brucià 'a Bandiera 'e l'obbedienza all'uniforme.

E' meglje niente 'nzieme ch'essere ricche sule
l'uocchje mieze chiuse... Aah... Fuje tanno.
'O Treno cà ce passe n'cap, 'e sorde int'e Poker
fà fridde 'e mmane 'a sera... Aah... Fuje tano.
Perplesse 'e Prufessure, 'a Vita rint'e Studje
Signore aiutece ccà fore... Fuje tanno...!!!
Te scuorde ch'ire ajere, ispirazione è perza
te siente priggioniere... Aah... Fuje tanno.