Testo Primo spettatore Federico Salvatore

Primo spettatore

Quanne cantava 'a casa guagliunciello 'e scola
Trasive 'cu 'na scusa senza 'na parola
Nun t''o ddevo 'a capì, ma me sbatteva 'o core
Pecchè sì stato tu 'o primmo spettatore
E ancora nun me scordo, ca sbagliavo 'o tiempo
Pe' mettere n'accordo, ma 'mbrugliavo sempre
E tu su quel divano cu chill'uocchie 'e stelle
Dicive tiene 'e mmane ancora piccerelle
E pe' me da curaggio te n'ascive fore
Sentenne aret''a porta senza fa rumore
E 'sta chitarra mia, perdeva ogni paura
E pe' me fa cuntento nun te si stancato
Sentive 'na canzone pure ciento vote
Si' 'o prime ch'ha creduto
Papà, papà, papà
E mo' canto ogni sera e sso' criusciute 'e mmane
Ma nunn' e comme aieri mo' ca sto luntano
Nel pubblico ch'è lì manca uno spettatore
Sono arrivato si ma nun me sbatte 'o core
Comme sbatteva a te aret' a cchella porta
Quanno senza parlà tu rimmanive allerta
Quel tuo silenzio è 'nu rumore assaie cchiù forte
cchiù forte 'e tutta 'a gente ca me sbatte 'e mmane
cchiù forte 'e chesta voce ca t'arriva 'ncielo
Si tu chesta canzone
Papà
E mo' chella chitarra rotta e vicchiarella
'a sona tutt' 'e iuorne n'ato guagliunciello
Ca tene 'e mmane ancora troppo piccerelle
sentenne e 'stu criature 'o core sbatte forte
e senza 'na parola io resto aret''a porta
comme facive tu cu mme
Papà, papà.